بريوش هايل

 بريوش هايل    Oum Adam

المقادير :
600غ فرينة ،قرصة ملح
نصف كاس سكر ما يعادل 70غ
ملعقة ك لافاني ،ملعقة ك خميرة الخبز
1خميرة الحلوى
3ملاعق ك حليب غبرة
حبة بيض ،4ملاعق ك زيت
ملعقتان زبدة غامولي نضيفوها في الاخير و ماء دافيء للعجن
للتزين :مربى المشمش،فواكه معسلة ،ناباج،لوز مطحون .

طريقة التحضير :
ناخدو ڨصعة نضع فيها الفرينة المغربلة مع الحليب غبرة +السكر+فانيلا+الخميرة بنوعيها مع قرصة ملح .
نضع حفرة في الوسط نفرغ الزيت مع حبة بيض ونخلط مع اضافة الماء الدافيء حتى نتحصل على عجينة لينة كما في الصورة نضيف لها الزبدة غامولي ملعقتان وندلكها مليح لمدة 5دق .

نتركها تختمر للمرة الاولى حتى يتضاعف حجمها ثم نخويها من الغازات نقطعها الى نصفين نذرذر الفرينة ونورق على شكل مستطيل نطلي مربى المشمش ولا نكثر ومن الفوق الفواكه المعسلة .

نلوي جيدا الرولي ثم نقطع ونضع في سنية فيها ورق الطهي ونتركها تختمر للمرة الثانية .

بعدما اختمرت نطلي بحبة بيض مخفوقة وندخلها في فرن 180درجة حتى تكسب اللون الذهبي .

وفي الاخير نزينوها بالناباج ولوز مطحون وان شاء الله تعجبكم هذه البريوشة جربوها هي سهلة. سلام .

 

طارتولات خفاف

مساء الخير على الجميع لعشاق الشوكولا والكاراميل هذه المرة جبتلكم طارتولات خفاف وممكن تقدموهم في مناسبات مع عصير او حتى مع القهوة وانا اأكد علي ومحبيي الشاي بالخصوص نشاالله تعجبكم...

العجينة :
200غ زبدة طرية
ثلاث ملاعق ك كاكاو من الاحسن مغربل
قرصة ملح
ملعقتان ك سكر رطب
صفار بيضتان
عطر اللوز او 50 غ بودرة اللوز

 الطريقة

 نجمع جميع المقادير وفي الاخير الفرينة حوالي 200غ ثم نشكل



 كرات ونبسطهافي مول طارتولات كما في الصورة ،نثقب



بالشوكة وندخله في فرن 180درجة.

بعدما بردت ونزعنالها المول نضع في وسطها ملعقة صغيرة



من حليب محلى كاراميل



 ونزينها بشوكولا او جوز، لوز مطحون او افلي لكن الاختيار.

 بالصحة والعافية

حلوى لذيذة محبوبة

مساء الخير عليكم .

اليوم جبتلكم حلوى لذيذة محبوبة
 وما تطلبش مقادير كبار وهي:

 نبدأ بالمقادير :

250 غ مارغرين
3صفار البيض
كاس متوسط من سكر رطب
عطر الفانيلا ،ملعقة ص خميرة الحلوى
اللوز اختياري ،الفرينة حسب الحاجة .
للتزين :مربى مشمش ،شوكولا سوداء

 الطريقة :

نجمعوا المقادير كلهم سوف نتحصل على عجينة لينة

 نقطع كرات ثم نشكلهم صبيعات ونضغط من الفوق بالشوكة .

 ندخل الحلوى في الفرن 180درجة ثم نخرجها ونتركها تبرد جيدا 

 نلصق الحبة مع الاخرى بمربى المشمش ونتركها تجف .

 نذوبوا الشوكولا ونغطس الجوانب بالشوكولا كما في الصورة

 تتناولوها مع القهوة ان شاء الله .

                         Oum Adam