لكل اخت تكره عجن الخبز

لكل اخت تكره عجن الخبز

هذه الطريقة في العجين اخذناها من مبدأ عجينة العشر دقائق

ناخذ الدقيق الذي نستعمله في العجن أنا اعطيكم المقادير  وانتم لكم كامل الحرية في المقادير و الكمية

ناخد 2 زلافات ديال الماء الدافئ كنديرهوم فمولينكس و كنضيفو ليها الخميرة ديال الخبز + ملعقة سكر كبيرة + الملح +زلافة ديال الفورص + زلافة
ديال الفينو ولكن مايكونوش عامرة بزاف
كنخلطو الكل جيدا حتى يولي بحال عجينة البغرير

و نخليه يرتاح 10 دقائق أو أكتر فالحقيقة حسب العمل الي كنكون كنعملو فنفس الوقت هادشي علاش هاد الطريقة
ديال العجن زوينة حيت ممكن نقوم بأعمال أخرى فنفس الوقت

 و هاهي من بعد ما رتاح

 من بعد كنصبو الخليط فالقصعة

  كنضيفو باقي الدقيق حتى تجمع لينا العجينة 

ولكن لازم العجينة ما تكونش قاسحة يعني خاسها تبقى مرخوفة شوية و نخدموها بيدينا بالطريقة العادية فقط شي 3 ديال الدقائق
و نغطيوها و نخليوها تخمر و نمشيو نديرو شي شغال آخر هههه
من بعد ما تخمر كنلولبو العجين

و نكرصوها

و نخليوها تعاود تخمر من بعد نخبزوها

و ها الخبيز ديالنا واجدا بلا دليك بلا تمارة بالاضافة إلى أننا كملنا حتا الشقا العادي ديال الدار فنفس الوقت

 أكيد أنكم لاحضتو أن الخليط الي في مولينكس لون ديالو مائل للبني
السبب هو  كتيرفيه الدقيق الكامل منين تكونو تانتوما عاملين الدقيق الكامل بكترة يعني كتر من الفورص و الفينو حاولو تخليو العجين
مرخوفة شوية حيت الدقيق الكامل كيشرب شوية أما الي كيستعمل غير الفورص و الفنو الخبيز ديالو كتجي كتشهي بزاف
Fajr Jadide