فقاص رائع و ناجح ومضمون

فقاص رائع و ناجح ومضمون

المقاديـــــــر

3 بيضـات
كاس سنيدة
كاس زيــت
نص كـاس الحليـب
شوية زنجلان+نافع+زبيب مقطع لوز يكون مرطب ليلة من قبل ومقسوم على 2(هدا سر اول باش مايتهرسش الفقاص في التقطاع)
خمـــارة
دقيــق حسب الخليط

الطريـــقة
تنخلطو جميع المقاديـــر ونضيفو الدقيق في الاخيـــر مع الخمارة والعجينة تكون رطبة

فاش نبغيو نخدمو الحرابل ندهنو يدينا بالزيت باش ماتلصقش و تكون ساهلة في الخدمة ونكرصوهم غيــر شوية باش ماتشققش لينا الحرابل ندهنوهم بصفار بيضة مخلط مع نقيطات الخل و نيسكافي ونزوقوهم بخطوط بالفورشيط

وندخلهم الفران يكون مسخن من قبل ،حتا يتحمر من التحت ونشعلو عليه الفوق باش يتحمر،تكون العافية مهيــلة باش يطيب من الداخل

 فاش نخرجووه نغطيوه بزيـف يكون فازك ونخليوه ؛ في الصباح وخليتوه حتا الليل عاد قطعوه) السرالتانــي و هو المهم باش مايتهرسش ليكم الفقاص هو تقطعووه بموس يكون رقيق و ماضــــي باش كلو يجي مقاد فالتقطاع وماتهرسش لكم

نقطعووه وندخلو لفران مسخن من قبل باش يتحمــر كيجي رطب و في نفس الوقت مقرمش وبنيـــــــن يجي كيحمق في المذاق وحتى المنظر